Mərkəzi Nəbatat Bağının alimi, “Qida və dərman bitkilərinin biokimyası” laboratoriyasının müdiri b.e.d. Həsən Babayev  Xəzər Tv-ə yaşıllaşdırmada geniş istifadə olunan Oleandr bitkisi haqda müsahibə verib. Alim sakinlərin sözügedən bitkinin insan sağlamlığı üçün zərərli və təhlükəli olması narahatlıqlarına cavab olaraq bildirib ki, geniş növ müxtəlifliliyinə malik bu bitki həmişə yaşıl olduğundan yaşıllaşdırmada geniş istifadə edilib. Ölkəmizin iqlim şəraitinə və Bakı şəhərinin landşaftına uyğun gözoxşayan çiçəklərə malik Oleandr bitkisindən nəinki Azərbaycanda elə dünyada zərər çəkən olmayıb.Alim bildirib ki, hər bir bitkinin tərkibində zərərli və zəhərli birləşmələr var. Oleandrda da eləcə. Belə ki,bu bitki qida kimi tükətilmədikcə parkda istirahət edən insanların sağlamlığına hec bir təhlükə törətmir. Son olaraq alim qeyd edib ki,Oleandr bitkisindən dünya təcrübəsindəki yaşıllaşdırmada da geniş istifadə olunur.

Video reportajı sizə təqdim edirik.