Mərkəzi Nəbatat Bağının bitki kolleksiyaları və təcrübə sahələrinin dayanıqlı inkişafı, yaşıllıq sahələrinin genişləndirilməsi Bağın işçi kollektivi gücləndirilmiş iş rejimində fəaliyyətə başlayıb. Yuxarıda qeyd edilənlərin təmin olunması məqsədi ilə Bağda on minlərlə yeni bitki növləri əkilib və bu bitki növlərinin çox hissəsi subtropik bitkilərdir. Yeni əkilmiş bitkilərin bioloji xüsusiyyətlərinə uyğun  aqrotexniki qulluq tədbirləri həyata keçirilib. Qeyd edilən işlər çərçivəsində sahələr alaq otlardan təmizlənir, ağac dibləri bellənir, tullantılar ərazidən uzaqlaşdırılır, bitkilərdə müəyyən olunmuş xəstəlik və ziyanvericilərə qarşı dərmanlanır. Havaların isti keçməsi ilə əlaqədar olaraq bitkilərin inkişafı üçün mütəmadi suvarılması həyata keçirilir.

Bunun nəticəsi olaraq Bağda becərilən ağac və kol bitkilərinin inkişafında müsbət irəliləyiş qeyd olunur.