Xəbərlər

AMEA Mərkəzi Nəbatat Bağının gənc tədqiqatçılarının məqaləsi Beynəlxalq bazalara daxil olan jurnalda dərc olunub


Azərbaycan Milli Elmlər Akademiyası Mərkəzi Nəbatat Bağının İnformasiya texnologiyaları şöbəsinin müdiri Yusif Abiyev, Gənc alim və mütəxəssislər şurasının sədri biologiya üzrə fəlsəfə doktoru Fərid Seyfullayev, Türkiyənin Qaradəniz Texniki Universitetinin alimləri professor Selçuk Gümüş və professor Fevzi Karslının həmmüəllifi olduqları “Analysis of the forest covers dynamics in the Samur-Yalama National Park of Azerbaijan” adlı məqalə “European Journal of Forest Engineering”(e-ISSN:2149-5637) jurnalında dərc olunub.

        Məqalədə aerokosmik görüntülər vasitəsilə Samur-Yalama Milli Parkının meşə örtüyünün 1984-2019-cu illər arasında inkişaf dinamikası öyrənilmişdir. “Forest Engineering and Technologies (FETEC) Platform” təşkilatı tərəfindən təsis edilən jurnal “Web of Science” və “Ulakbim” beynəlxalq jurnal indeksləmə bazalarına daxildir.

 

30.06.2020